Prestakuntza
Osartenen uste dugu, laneko segurtasun eta osasun arloan prestatzea prebentzio arloan aurrera egiteko eta enpresetan prebentzio-kultura bat garatzeko abagunea dela.
Gure ikastaroek ez diote ohiko formatuari jarraitzen. Ikaskuntza aktiboa lantzen dugu dinamikak, gamifikazio-tresnak edota errealitate birtuala aplikatuz. Bertaratuak protagonista bilakatzen ditugu, gure prestakuntza guztietan norberaren zaintza eta gainerakoen zaintza sortzeko xedearekin.
Goi-zuzendaritzara, aginte-lerroetara edo langileengana bideratutako prestakuntza sorta zabala dugu.
Zure enpresara joaten gara eta prestakuntza zure premietara egokitzen dugu.
Gure
prestakuntza-zerbitzu
nagusiak
Segurtasunaren, osasunaren eta ongizatearen kultura txertatu eta garatzeko prestakuntza eta entrenamendua
Laneko segurtasuna eta osasuna guztion kontua dela inork ez du zalantzan jartzen; baina badakizu zure goi mailako zuzendaritza eta aginte-ildoa ingurune seguru eta osasuntsu bat sortzen modu positiboan eragiten ari diren? Zure enpresan kostatu egiten al da prebentzio-zerbitzukoak ez diren pertsonen zereginetan prebentzio-jarduerak gaineratzea?
Prestakuntza espezializatua laneko segurtasun eta osasun arloan
Ingeniaritza edota mantenu-lanetako langileei zuzendua, lanpostuak diseinatzeko beren ezagutza makinen segurtasunarekin eta ergonomiarekin lotutako alderdiak kontuan izanik garatzeko xedez.
Errealitate birtualaren bidezko prestakuntza
Errealitate birtuala gaineratzen dugu laneko segurtasun eta osasun arloko sentsibilizazio-saioetan
Pertsona bakoitzaren errealitatera urreratzea da gure helburua. Horregatik, gure metodologia didaktikoan errealitate birtuala erabiltzearen alde egiten dugu orain.
Prestakuntza laneko segurtasun eta osasun arloan
Legerian eta hitzarmen kolektiboetan enpresa batean lan egiten duten pertsona guztiek prebentzio arloan izan behar duten prestakuntza, hasierakoa zein aldizka burutzekoa, ezartzen da. Osartenetik lanpostuaren arriskuarekin lotutako prestakuntza TEORIKO - PRAKTIKOA burutzen dugu. (Oharra: jarduera hori mankomunatutako prebentzio-zerbitzura atxikitako enpresentzat egiten da esklusiboki).
Prestakuntza-zerbitzuen katalogoa (LAP, 19. artikulua) eta metalaren hitzarmena
Prestakuntza-agenda
Sentsibilizazio-saioak
Prebentzio arloko jardunbide edota zereginak indartzera bideratuak. Segurtasun eta osasun arloko alderdiak arakatzen ditugu taldeko dinamikak eta gamifikazio-tresnak erabiliz, bertaratzen dena inplikatuz norberaren zaintzarako eta gainerakoen zaintzarako moduak partekatze aldera.
Lehen sorospenak eta oinarrizko bizi-euskarria
Bizitzan zehar lehen sorospenak ematea eskatzen duten egoerak aurki ditzakegu. Zenbaitetan, berehala esku-hartzeak pertsona baten bizitza salba dezake. Osartenetik pertsonak gaitzen ditugu oinarrizko bizi-euskarriari dagokion esku-hartzea egin ahal izateko.
Bereizten gaituena
Esperientzia
Adituak gara ematen ditugun gaietan; izan ere, hainbat urtez aritu gara prebentzio arloko profesional gisa jarduten. Prestatzaile gisa ditugun trebetasunak etengabe hobetzen ditugu.
Konpromisoa
Guretzat, prestakuntza ez da izapide hutsa. Partekatu, taldean ikasi eta hobetzeko abagunea da. Norberaren zaintza hobe baterako tresna da.
Sormena
Tresna didaktiko berriak arakatzen ditugu uneoro. Gure prestakuntzek etengabeko bilakaera dute, beti emaitza onenak bilatuz.
Dinamismoa
Prestakuntzari dagokionez, gure zeregina ikasgela dinamizatzea da. Esperimentazioarekin eta ikasgelan talde-lanean arituz emaitza iraunkorragoa lortzen dela uste dugu.
Moldagarritasuna
Prestakuntza bezeroarekin batera sortzen dugu, dituen premia eta helburuetara egokitze aldera.
Asebetetzea
Gure ikasleek puntuaketa altuak emanda baloratzen gaituzte. Gure bezeroek asebetetasun-maila handia erakusten dute. Probatzen duenak ia beti errepikatzen du.
Ezberdina den zerbait egin nahi duzu?
Deitu gaitzazu segurtasun eta osasun arloan prestakuntza-premiaren bat baldin baduzu, eta ohikoaz aparteko zerbait egin nahi baduzu. Lagundu egingo zaitugu.
Informazio gehiago