Cabecera_vigilancia_salud

Osasunaren zaintza

Badakigu pertsona oro berezia dela, eta egoera, eraginpean egoteko faktore eta baldintza ergonomiko berean dauden bi pertsonen osasunean eragina ez dela berdina izaten. Osasunaren zaintza egoki batek soilik identifikatu ahal izango du faktore horiek pertsonaren osasunean zer eragin duten, aldaketen zantzu goiztiarrak identifikatzeaz batera, gerora horietan esku hartu ahal izateko.

Prin_Serv_vigilancia_salud_eu

Gure
zerbitzu nagusiak
Osasunaren Zaintzan

Osasun kolektiboaren zaintza

Lanpostu bakoitzeko arriskuen ebaluazioetatik jasotzen ditugun datuei erreparatuz, arriskuaren arabera zer protokolo aplikatu behar ditugun erabakitzen dugu. Halaber, bereziki sentiberak diren pertsonentzat (ezaugarri indibidualak, egoera biologiko ezaguna, etab.) arriskuak dituzten lanpostu edo lanketak identifikatzen ditugu)
Koordinatu egiten gara eta prebentziozko gainerako diziplinetan txertatzen ditugu.

Larrialdizko arreta

Larrialdi-neurrien planean parte hartzen dugu, gure konpetentzien arabera prozeduretara batuz, eta presentzia fisikoa dugun erakunde guztietan berehala jardunez.
Asistentzia-zerbitzuekin banaketa "gardena" mantentzen dugu, gure jardute-eremuaren prebentziozko izaera dela eta.

Berrikuntza eta beste eragile batzuekin barneko kooperazioa

Berezko zerbitzu mankomunatua garenez, elkartutako enpresetara atxikitako osasun arloko pertsona profesionalen artean barneko kooperazioa eta lankidetza aktiboa ahalbidetzen dugu, Lagun Aro BGAE eta MONDRAGON enpresa-multzo gisa osasunari dagokionez ditugun erronkak ebazteko. Modu berean, berrikuntzaren esparruan askoz ere urrunago iristen garela uste dugu Euskadiko osasunaren ikerketako beste erakunde publiko zein pribatu batzuekin kooperatzen dugunean.

Mediku-azterketak

Pertsona bakoitzaren osasun-egoera ebaluatzen dugu, aplikagarri diren protokoloetan zehazten den aldizkakotasunez. Horrek "paziente-osasun arloko profesional" arteko solasaldi konfidentziala irekitzeko aukera ematen digu, non pertsonak "nola dagoen" kontatzen ditugun, eta lanpostuaren prebentziozko baldintzak hobetzeko informazioa jaso eta enpresako kolektiboaren "osasun-egoerari" eta egoera epidemiologikoari buruzko ondorioak ateratzen ditugu.

Osasuna bultzatzea

Osasun-programetan parte hartzen dugu, eta osasun arloko aholkularitza indibiduala eskaintzen dugu. Haatik, erakundeari osasun arloko planak edo programak diseinatzen laguntzen diogu kolektiboaren osasun-egoera aintzatetsiz (elikadura osasuntsuko kanpainak, arrisku kardiobaskularra, osasun mentala, etab.).

Enpresentzako aholkularitza

Beharrak detektatzen ditugu eta enpresei aholku ematen diegu osasunaren kudeaketaren plangintzan, segurtasun- eta osasun-batzordeetan parte hartzen dugu, osasun-kanpainak eta enpresa bakoitzera egokitutako prestakuntza-jarduerak proposatzen ditugu, eta barneko zein kanpoko ikuskapenetan laguntzen dugu. Gainera, bereziki sentikorrak diren langileen lanpostuen egokitzapenean parte hartzen dugu, haurdunaldian, puerperioan eta/edo edoskitzaroan dauden emakumeak barne.

Destacados_vigilancia_salud_eu

Bereizten gaituena

Profesionaltasuna

Osasun arloko talde profesionala, esparruan esperientzia handia duena, eta bereziki, industriaren sektorean, beste diziplina tekniko batzuekin lankidetza estuan.

Moldagarritasuna

Gure enpresa elkartuek eskatutako inguruabar eta denboretara egokitzen gara, premiari erantzunez, eta helburuak erdiesteko gure iaiotasuna ahalbidetuz.

Konfiantza eta enpatia

Guretzat sekulako garrantzia du langileek zein erakundeak gurekin konfiantza izatea. Horregatik, errespetuan, leialtasunean eta gardentasunean oinarritutako harremana sortzen dugu.

Accion_vigilancia_salud_eu