Aste honetan Laneko Segurtasun eta Osasunerako Institutu Nazionalak (INSST) bere web gunean Agente Kimikoentzako Esposizio Profesionalaren Mugak Espainian 2026 (LEP 2026) dokumentua argitaratu du, bertan Laneko Segurtasun eta Osasunerako Institutu Nazionalak 2026rako onartutako balioak jasotzen delarik, Laneko Segurtasun eta Osasunerako Batzorde Nazionalak (CNSST) 2026ko urtarrilaren 30ean onartutakoak.

Edizio honek ondorengo eguneraketak ditu:

• INGURUMENENEKO MUGA-BALIOAK:
  • Onartutako muga-balioa duten agente kimikoak jasotzen dituen dokumentuaren 1. taulan (Ingurumeneko Muga-Balioak), honako agente kimiko hauen balioak aldatu dira:
    • Amiantoa, VLA-ED 0,1 zuntz/cm3 izatetik 0,01 zuntz/cm3 izatera igaro da, jaitsiera nabarmena
    • Bentzenoa. Balio berria 2026ko apirilaren 5ean jarriko da indarrean, VLA-ED 0,2 ppm edo 0,66 mg/m3 izango da.
    • Binil zianuroa (akrilonitrilo ere esaten zaio). Balio berria 2026ko apirilaren 5ean jarriko da indarrean, VLA-ED 0,45 ppm edo 1 mg/m3 izango da eta VLA-EC 1,8 ppm edo 4 mg/m3 izango da.
    • Nitrogeno monoxidoa eta nitrogeno dioxidoa lurpeko meatzaritzaren eta tunelen eraikuntzaren sektoreetarako, taulatik desagertzen dira eta nitrogeno monoxidoaren eta nitrogeno dioxidoaren balioak aplikatu beharko dira bereizketarik egin gabe, hau da, VLA-ED 2 ppm edo 2,5 mg/m3 nitrogeno monoxidoaren kasuan eta VLA-ED 0,5 ppm edo 0,96 mg/m3 eta VLA-EC 1 ppm edo 1,91 mg/m3 nitrogeno dioxidoaren kasuan.
  • 1. taulatik (Ingurumeneko Muga-balioak) 1,2,3-trikloropropanoari dagokion sarrera kentzen da, gaur egun eskuragarri dagoen ebidentzia zientifikoa kontuan hartuta, ezarritako balioak eguneratzea behar duelako.
  • 2. taularen (Datozen urteetan indarrean jarriko diren Ingurumeneko Muga-balioak) eguneratze batzuk ere aipatzen dira, hau da, hurrengo urteetan izango diren balio-aldaketak:
    • Diisozianatoak. 869/2024 Zuzentarauaren transposizioan edo 2029an sartuko da indarrean
    • Etilbentzenoa. 2027an sartuko da indarrean
    • Formamida. 2027an sartuko da indarrean
    • Beruna. 869/2024 Zuzentarauaren transposizioan sartuko da indarrean
    • Kadmioa. Substantzia berrikusten ari da, baina 2027ko uztailaren 11n sartuko da indarrean
  • Berunaren muga-balioak aldatzen dituen eta diisozianatoetarako muga-balio loteslea ezartzen duen 869/2024 (EB) Zuzentarauan eta lanean amiantoaren eraginpean egotearekin lotutako arriskuen aurka langileak babesteari buruzko 2009/148/EE Zuzentaraua aldatzen duen 2023/2668 (EB) Zuzentarauan ezarritako aldaketak sartu dira.
  • Gainera, CLP Erregelamendua aldatzen duten 197/2024 Zuzentarauan eta 2564/2025 Zuzentarauan sartutako agente kimikoen sailkapenak eguneratu dira.
• MUGA-BALIO BIOLOGIKOAK:
  • 3. taulan (Muga-balio Biologikoak) bentzenoaren balioa eguneratu da, eta 8 μg/g kreatinina izatera igaroko da.
  • 4. taulan (Datozen urteetan indarrean jarriko diren Muga-balio Biologikoak) honako hauek sartu dira:
    • Beruna. 869/2024 Zuzentarauaren transposizioan edo 2029an sartuko da indarrean
    • Etilbentzenoa. 2027an sartuko da indarrean
• 7. kapitulua ere eguneratu da: AGENTE KANTZERIGENOAK, MUTAGENOAK EDO REPROTOXIKOAK
  • Ondorengo Paragrafoak gehitu dira:

    "Muga-balioak efektu kritiko zehatz baten arabera ezartzen dira. Ugalketarako ere ondorioak izan ditzaketen substantzien kasuan, lanlekuan esposizio profesionalaren muga-balioak ezartzeko ondorio horiei buruz dagoen informazioa, kasu batzuetan, ez da nahikoa edo ez dago».

    "Ugalketarako toxikotasunak edoskitzaroaren gaineko edo edoskitzearen bidezko ondorioak ere barne hartzen ditu, bereizita tratatzen direnak sailkapen-arrazoiengatik eta arrisku-ohar espezifiko batekin (H362). Hala ere, CLP Erregelamenduan onartzen da ez dagoela informaziorik edoskitzearen bidez substantzia askok ondorengoengan eragin ditzaketen ondorioei buruz. Horregatik, gogoratu behar da substantzia batek ez badu reprotoxiko gisa sailkapena edo ez bada ezaguna edoskitzaroan eragina duenik, ez duela nahitaez esan nahi agenteak arrisku hori ez duenik ".

• Eta "n" oharra sartu da 9.2 "1. eta 2. tauletako oharrak" atalean. Ohar horretan honako hau adierazten da: "NCOk diisozianato-konposatuen isozianatoen talde funtzionalak izendatzen ditu".

Muga-balioen zerrenda urtero argitaratzen da, azken ezagutzekin, bai osasunaren arloan, bai arlo tekniko eta zientifikoan, zein diren gainditu behar ez diren mugak ezartzeko, langile guztiok gure bizitzan zehar babestuta egon gaitezen, lanean gaunden garain zein ostean.

Jarraian jatorrizko dokumentura garamatzan lotura eransten da: Valores límite para agentes químicos LEP 2026 | INSST