Analisi klinikoak egin behar dituen edozein pertsona etor daiteke gure laborategira, egin beharreko probak egitera.

Gainera, Osartenen laborategia Lagun Aro BGAEren osasun-asistentzia espezializatuko zerbitzu mediku-kirurgikoen zerbitzu-taldearen parte da eta mutualistak eta onuradunak artatzen ditu.

Erauzketak enpresan bertan egiten direnean eta langileak medikuaren berariazko eskaera bat badu, urteroko aldizkako analisiari dagozkion probez gain, eskaera horretan barne hartutako probak egin diezazkioten eska dezake langileak. Hala, erauzketak birritan egin behar izatea ekiditen da eta langileak eta enpresak ez dute kanpoko laborategi batera joan beharko.

Zerbitzuak askotariko analisi klinikoak eskaintzen ditu. Besteak beste, oinarrizko miaketak eta espezialisten berariazko eskaerak. Adibidez, endokrinologiarekin, digestioarekin, urologiarekin eta alergologiarekin lotutakoak.

Analisi klinikoetako mediku espezialistak emaitza analitikoak berrikusten eta balidatzen ditu eta, ondoren, txostena erabilgarri jartzen du Osartenen web-orrian. Orduan, pertsonak mezu elektroniko bat jasoko du, txostena erabilgarri dagoela adieraziz.

Analisiak egin ostean, ereduak denbora-tarte batez gordetzen dira (serotekan), bai lortutako emaitzak egiaztatzeko, medikuek hala behar badute, baita amaierako diagnostikoak egiten lagun dezaketen analisi osagarriak egiteko ere. Horrela, erauzketa osagarriak egitea ekidin eta txosten berria azkarrago egin daiteke.